《壹週刊》下周出版最後一期「實體版」，有女報販今晚稱不捨得，亦覺得不意外，「雜誌越來越薄，我最近都覺可能差唔多（結束）。」她指近年雜誌銷量下跌，只餘上年紀的客人購買，「冇後生仔買雜誌，個個智能電話睇新聞。」她指雜誌銷量差，一晚可能賣不到10本，旺角地區競爭激烈，報販更要減價1元出售。

報販「靚姐」指，兒子讀小學時《壹週刊》已出版，現時兒子已經30多歲，期間見證雜誌變化，「變化係越來越靜、越嚟越冇人買、啲書越來越薄。」她指大部份人上網看新聞，雜誌慢慢變得多餘，「有關少少唔捨得囉，你賣咗咁多年，對慣咗咁多年果本書，你會感覺唉又執啦。」

時代變化，賣雜誌再非報販主要收入，在旺角報攤《壹週刊》一如其他雜誌要減價1元，售價19元，每賣一本只賺2至3元。她指現時打火機、紙巾、馬經銷量更好，「你賣雜誌死緊！我冇睇雜誌好耐，我自己都係上網睇。」

對於《壹週刊》轉攻網上版，她認為前景難料。亦有報販指，轉營是順應潮流，但未必賺錢。