早前因為教育部向內地高校發出嘅通函,而引起全城關注嘅樂施會,噚日發表咗有關本地恒指成份股公司企業社會責任嘅調查報告,香港雖然號稱國際金融中心,但喺推動企業社會責任方面,份報告話同其他區域性以至國際股票市場比較,本港仍然屬熊市多過牛市,加上近期好多亞洲國家都大力推動呢個議題,港府同港交所(388)喺呢方面嘅成績就顯得落後。
報告話,喺眾多藍籌公司入面,總得分最高嘅係獅子行滙控(005),得分百分比80%,當中同股東嘅聯繫得到滿分21分,企業社會責任嘅策略同滙報亦得17分,爭1分就滿分。中電(002)同中移動(941)就分別屈居亞軍同季軍。