【本報訊】內地供港活牛又出事。獨家代理內地活牛供港的五豐行，上周起突然減少供應量，減幅最高達一半，並於昨晚向業界要求加價10%，但業界寧願五豐行一次過加價，以穩定供應量，雙方仍在拉鋸中，最快數天後有加價結果。市民在今個冬天打邊爐，便要捱貴肥牛。

「又賴交通有問題」

五豐行今年已加價兩次，近日每擔牛拍賣價1,670元至1,780元。有業界表示，上周起內地供港活牛數量開始不穩，由原來每日110至120隻，減至最少60多隻，業界已深知不妙，「每次五豐行要加價，都出呢啲伎倆，但加價之後，供應量又唔夠，又賴交通有問題」。零售店獲分配的牛肉減少，有店舖甚至因沒牛肉而不能開門做生意，「如果五豐行再加價，一定轉嫁畀市民」。
鮮肉大聯盟主席文卓培表示，五豐行昨晚與業界開會，要求需要加價10%，「次次加完價都供應唔夠，質素又差，我哋索性要求五豐行一次過加足，任佢加，加完要供應夠」。今日牛隻不會加價，雙方後日會再開會，商討加價方案，暫未知今日牛的供應量。