由李準基、IU、姜河那主演嘅韓版《步步驚心》（月之戀人—步步驚心：麗）將於今晚播出第17集，劇組今日公開新劇照，預告「四王子」李準基將成為高麗光宗，但危機四伏嘅皇宮內，仍暗藏悲壯嘅故事。而李準基會以何種手段執政、而且佢跟IU嘅愛情能否大團圓結局，都仲係未知之數。

雖然韓版《步步驚心》話題性十足而且演出陣容強勁，不過於韓國嘅收視就麻麻，李準基早前接受韓國雜誌訪問時都坦言「好遺憾」，不過就話：「唔後悔接拍呢套劇，身為主演本來就該為戲負責。依家都有一齊睇播出，尋找不足嘅地方。」