當年今日

師妹探班親暱索吻
林熙蕾粗口回敬應釆兒

蘋果日報 2002/04/25 00:00


林熙蕾昨凌晨拍攝電影《枕邊凶靈》,師妹應釆兒專程去探班,但兩人均表示和對方不是好友,只是曾合作及隸屬同一經理人公司。合照時應釆兒主動說要和林熙蕾kiss,遭林熙蕾以粗口「Kissyouraxx!」回敬。
林熙蕾和有「翻版林熙蕾」之稱的應釆兒同是中國星旗下的藝人,應釆兒正受公司力捧,早前傳出較早出道的林熙蕾因為不滿不受公司重視,所以約滿後不打算續約。昨日凌晨陳小春、林熙蕾和雷宇揚在灣仔一間餐廳拍攝電影《枕邊凶靈》,應釆兒特別前去探林熙蕾班。

「咁咪有新聞寫」
問林熙蕾和應釆兒的關係,她說:「Friend就唔敢講,我係拍《全職殺手》時識佢嘅,我覺得佢十幾歲女仔一個人嚟香港做嘢好叻!」應釆兒則說:「我哋同一間經理人公司,都係中國星嘅,所以我先嚟探班,我唔知道有記者在場。」
其後二人應記者之邀合照時,應釆兒主動向林熙蕾說:「不如我哋kiss影一張咯!」但林熙蕾竟然用英文粗口鬧她說:「Kissyouraxx!」正當大家以為應釆兒會很尷尬,她卻哈哈大笑對記者說:「咁咪有新聞寫咯,其實我哋唔係好熟㗎咋!」然後二人開開心心影相,表現得毫無芥蒂。
拍親熱戲感尷尬
林熙蕾透露日前和陳小春在車廂後座拍了場親熱戲,足足拍了二十分鐘,其間有NG,加上和小春不相熟,頗為尷尬,林熙蕾說:「劇情係講我哋喺一間酒吧相識,當晚一夜情,地點就喺車廂嘅後座。」
林熙蕾之前在《極速傳說》亦有和鄭伊健在車廂拍親熱戲,記者指她對此應駕輕就熟,她即時反應甚大說:「邊個話㗎!我上次同伊健喺架車嘅前座,今次喺後座,而且我嗰陣啱啱嚟香港,儍儍哋乜都唔知,𠵱家我知道拍戲係乜嘢一回事。」

小春:意識大膽
小春則說:「其實我每次拍親熱戲都會尷尬,今次主要係拍手手腳腳,意識大膽多過啜啜聲,嚴格嚟講我都唔係第一次拍車廂親熱戲,以前喺《晚九朝五》都拍過。」
採訪:魯萍
攝影:陳志嵐