當年今日

事業:最好冇頒獎禮

蘋果日報 2002/01/06 00:00


樂壇一年一度的頒獎禮,曾經是所有歌星熱切期待的成績表,但近年的頒獎禮因利益問題,造成獎項數目氾濫,頒獎禮亦成為歌星分豬肉的天堂,得獎多寡,再也無法反映歌星的實際受歡迎程度。

重視唱片銷量
陳慧琳今年雖然繼續參與這個樂壇遊戲,但她亦不諱言道:「𠵱家啲樂壇頒獎禮有自己嘅玩法,啲獎項真係多咗,有時我都覺得如果唔搞頒獎禮,我哋歌星可能會輕鬆啲,起碼唔使嘥咁多時間出席記者會同宣傳活動。我覺得畀心機唱好啲歌,唱片實際銷量好,已經代表一切。冇咗啲頒獎禮,咁就唔使俾人話攞獎少咗,個歌星今年聲勢下跌啦!」
去年全力發展日本市場的Kelly,與竹野內豐主演的電影《冷靜與熱情之間》,日本票房收了約三十億日圓(約一億八千萬港元),Kelly頓時成為日本賣座保證女星。

演技忽然開竅
Kelly說:「今年我會繼續發展日本市場,但內地市場咁大,我都會盡力去開拓,不過𠵱家無論係日本或台灣嘅唱片公司,都重未可以配合到我嘅發展,所以對我嚟講都幾困擾。」
去年Kelly在香港共推出了六張唱片,電影則僅拍了一部,今年她希望可以減少出碟量,Kelly說:「其實我同唱片公司都傾過,唔想出碟咁密,因為出碟咁密,我要嘥唔少時間錄音。」
Kelly自覺演技在拍完《冷》片後已開竅,所以今年她打算多放點時間在電影方面,Kelly笑說:「以前拍咗六、七部戲,我都唔明點先可以演活個角色,但《冷靜與熱情之間》呢部戲,劇本寫得好,我終於feel到點去做啦!」