朱茵夫婦、張繼聰和莊思敏等前晚在銅鑼灣出席電影《古宅》首映禮。朱茵接受訪問時表示，拍攝時有點不自在，因為現場為一間百年大宅，亦因應情況收利是。片中的小朋友今日已經長大，因為《古》片是數年前拍下的。
問到早前跟5歲囡囡黃鶯拍攝內地綜藝節目《想想辦法吧！爸爸》是否延播？朱茵表示不清楚，不過自己就很想看，主要想看老公黃貫中（Paul）如何湊女。至於有傳的過千萬酬勞，朱茵說︰「要問番公司，對我哋嚟講好難得，係一個紀念，唔計較幾多錢，最重要係一家人。拍之前個女同爸爸冇咁好，見到爸爸仲踢開佢、嫌棄佢，𠵱家睇到爸爸嘅偉大，信任爸爸。」有指延播是因為內地政策，不希望藝人消費子女，朱茵自言只是一心想收看。

張繼聰視女神

另外，張繼聰自言是朱茵的保安，他承認朱茵是自己那一代的女神︰「我哋呢一代冇人話唔鍾意佢，大家都係演藝學院校友，讀書時佢已經好紅。我哋第一日開工見面就拍感情戲，之後我嘅fans行為出晒嚟，話畀佢聽好鍾意《都市的童話》，呢部係佢第一部劇，好多幻想空間。」
採訪：羅慧敏
攝影：陳慧安