星期日係平安夜，但華倫西亞教練馬些連奴就似乎唔係咁平安，事關佢喺星期日朝早揸車返屋企準備同家過聖誕嘅時候撞到一隻野豬，遇上車禍嘅馬些連奴要送院檢查，不過好彩冇大礙，之後已經自行出院。

華倫西亞星期日喺官網發表聲明，透露馬些連奴喺羅格諾到畢爾包之間嘅一條高速公路揸車撞到一隻衝出馬路的野豬而要送院，但之後證實身體冇事已經出院，而馬些連奴亦發聲明，表示感謝醫生同醫院所有人嘅照顧，同埋要多謝交通警員、消防員以及高速公路救援隊等人喺意外發生後嘅高效率表現。

華倫西亞上星期六喺西甲聯賽主場以0:1輸畀維拉利爾，目前喺聯賽榜排第3，落後榜首嘅巴塞隆拿11分、落後第2位嘅馬德里體育會2分。

--------------------

狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM