無綫事前揚言其中一環節以是非向佳麗質詢，但前晚錄影時卻錫住佳麗，但就爆佳麗不愛刷牙、不沖涼和遲到等生活陋習。鄭裕玲大爆2號羅紫君早上起床不愛刷牙，羅紫君說：「我鍾意食嘢，所以朝早食完至刷。」原來今年工作人員有為佳麗評分，羅紫君操行分不高，因她是遲到王，前日綵排泳裝依然遲到，但她死撐遇到交通意外，曾志偉忍不住寸她：「個個都冇係得你有嘅！」
14號林思韻被爆不愛沖涼便上床睡覺，她牽強說：「我覺得沖完要即刻瞓，但返到屋企好多嘢做。」李克勤即寸她：「咁可以沖幾次嘅啫！」任馴狗師的16號徐韶蓓被問怎樣訓練狗隻，她說：「要對佢好時我就好，對佢惡時我就惡。」嘟姐、志偉、克勤和陳百祥忍不住大笑，再問怎樣訓練狗隻大小便，她說：「我會餵到佢哋好飽。」克勤即笑道：「你真係好有娛樂性！」

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！