早前於人氣韓劇《奶酪陷阱》中飾演女主角金高恩好朋友「寶羅」嘅26歲女星朴旻智，今日被爆跟獨立樂隊Thornapple嘅30歲主唱尹成鉉拍拖一年，二人亦大方承認戀情。

據知，朴旻智跟尹成鉉係經朋友介紹而認識，已拍拖一年，朴旻智所屬事務所表示：「朴旻智跟尹成鉉的確係拍緊拖，一年前，兩人經朋友介紹相識，之後發展成為戀人，由於佢哋兩個年紀仲細，仲未考慮過婚姻嘅問題，今後希望大家多多支持佢哋。」而尹成鉉方面亦表示：「其實已經有好多人知道，於圈內都唔算係咩秘密。」

此外，尹成鉉於2010年以Thornapple主唱身份出道，而樂隊於韓國獨立樂界亦係非常有名氣。