【開劇可考慮】魏秋樺對林文龍有期望 唔似冷氣軍師不問世事
蘋果日報 2019/12/28 18:21
亞視魏秋樺林雅詩
魏秋樺、林雅詩、陳惠敏、樓南光及李漫芬等今日到紅磡出席紅酒活動。魏秋樺聖誕到澳門登台，為黃夏蕙的慈善基金演出，她表示除夕會留港開party：「喺屋企同啲朋友倒數，大家開心吓。」
提到林文龍加入亞視擔任副總裁，她雖然未曾與對方合作，但認為林文龍對亞視會有作用：「佢係資歷好深嘅藝人，會更加了解入面嘅運作，假如佢邀請我拍劇，角色又啱嘅話，我會考慮。」對於藝人轉型做電視台高層，魏秋樺認為是好事：「睇落好似唔關事咁，但係我之前拍過啲劇集，負責嘅製作人以前係演員，佢對演員仲好，因為好了解，唔同坐喺寫字樓入面，唔知道出面乜嘢情況，會貼地好多。」
林雅詩聲沙沙現身，她笑言因為聖誕節太忙：「又要照顧阿仔，又要開party，又要上內地登台。不過最近的確有影響，會壓價，都打八折㗎，工作又少咗，以前點會得1、2場登台？」她大呻生意難做，平日亦會到時裝店做生招牌：「自己做埋part-time sales，不過我唔希望裁員，想大家共度時艱，冇士氣影響仲大。」
採訪、攝影：盧妹
魏秋樺認為林文龍任亞視副總裁對會有作用。
林雅詩表示大陸商演被壓價。
樓南光
陳惠敏