當年今日
關於我們

【限制出境、出海及住居】落機即被押往士林地檢署偵訊 孫安佐今晚回家與父母團聚

蘋果日報 2018/12/11 23:28

狄鶯孫安佐孫鵬

台灣藝人狄鶯同孫鵬嘅獨子孫安佐喺美國非法持有彈藥,被關押至今261天,獲美國法院判決刑滿獲釋後,台灣傳媒指孫鵬夫婦使咗至少3,000萬元新台幣(約760萬港元)聘請4名律師為子辯護,終令兒子踏上歸家路。孫安佐今晚喺警員陪同下返台。
不過,由於孫安佐在美非法持有槍彈,同時觸犯台灣《槍砲彈藥刀械管制條例》,最輕判刑3年以上重罪,因為當孫安佐今晚抵台後,立即被押往士林地檢署偵訊,孫鵬夫婦亦有入偵查庭,接受檢察官偵訊,希望搞清楚孫安佐喺美國所持嘅槍彈來源。
經過一個半小時訊問後,諭令孫安佐限制出境、出海及住居,孫安佐今晚可隨父母回家團聚。
由於現場有大批傳媒守候,所以士林分局亦派出多名警員喺現場維持秩序,不過,因為現場太過混亂,有記者喺推擠中,被電視台嘅腳架打中致頭部血流不止,最後由救護車送醫接受治療。
精選娛聞,喺晒《娛果》
http://fb.com/appledailyent