話說噚日阿仙奴就喺主場阿聯酋球場迎戰屈福特，心水清嘅球迷都應該留意到，點解主場觀眾席好似有啲疏落咁嘅？抽水不甘人後嘅曼聯名宿加利尼維利都留意到，仲機不可失地喺Twitter出post：「阿聯酋球場一定又係得-4度同埋落雪！」

早前阿仙奴主場對曼城嘅英超比賽，觀眾席已經疏落，不過當時英國正值大風雪侵襲，加上係夜波，所以都有啲原因解釋下。誰不知噚日已經係踢日波，仲要倫敦下晝最低都有10度，觀眾席依舊疏落。最離譜係，半場時份，阿聯酋球場官方宣佈入場人數有59,131人，但球場坐爆都係59,867人，擺明有灌水成份。至於點解讀球迷少咗呢，唔知係咪有啲球迷hea入場，或者有人呼籲其他球迷有票都射落海呢？

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1