剛周日（25日）在短時間內，香港馬場電算機合共有「巴基之星」、「天下為攻」以及日本馬「北部玄駒」被捧到兩倍不夠而三甲不入，如各買10蚊W即輸了30元。

假若仍專攻這類兩倍或以下馬獨贏，以賭10匹為一個循環兼每匹派到盡有廿蚊計，餘下七隻全勝當然可以倒贏40蚊，但只要輸兩隻，這個投注周期已經白做。

若Win平均只派18蚊，就要打後買七中六（收$108）先有錢贏，似乎這個「殘局」比想像之中來得容易及更難取捨。

不只一次提出長線投注方案，會被質疑為何不揀一些易中的來做，譬如專攻熱門齋P又或上文提過那類「穩陣大熱」，但統統沒有太大犯錯空間，只要頭開得不好，分分鐘在餘下日子白做，甚至只求輸少當贏，我就唔會揀，你呢？

雖然剛戰雷神輸完「巴基之星」被噓爆，但卻沒有影響表現，打後直落贏三場，其中贏「澳斯卡」替蔡約翰打破練馬師一季頭馬最多紀錄後更興奮莫名。

翻查上季雷神在谷草贏56Win與目前相同，後晚（28日）只要有馬贏便有新突破，可視為雷神爭取頭馬動力。

其中第四場「天賜寶」及第五場「志友運」，季內已配他不只一次仍未拼出頭來，近兩次雷神輸完肯再騎的馬，已分別有「勇冠王」及「承你所願」成功補中。

「天賜寶」及「志友運」續爭剛戰人馬夾檔上名路程，隨時照辦煮碗。