NBA喺美國時間禮拜五晚，出現咗公鹿前鋒G安迪度安寶（Giannis Antetokounmpo）喺對雷霆場波踩出界再入樽，但球證睇唔到，結果公鹿作客贏雷霆兩分嘅情況。雖然雷霆主場嘅大電視已經即刻重播影片，所有球迷同雷霆球員都清楚睇到「字母哥」的確係踩咗出界，但因為當時球證無吹雞，根據球例，球證都唔可以行埋去重播檯翻睇比賽畫面。

對於有咁嘅情況出現，NBA比賽委員會就話，會將案例加入下次會議嘅議程，等與會人士一齊討論。咁下次開會係幾時？係出年3月呀！《ESPN》報道指NBA比賽委員會係會研究有咩可行辦法處理類似嘅情況，但係雖然開會傾呢個議題，不過就唔等於一定會作出改變。就算真係改，最快都會喺2018/19球季先至實行。咁係咪即係話，喺今季剩低嘅時間，球員都可以繼續踩出界博球證睇唔到呢？

--------------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM