恭喜！恭喜！黃百鳴兒子黃子桓（Edmond）噚晚榮升做爹哋，佢太太剖腹生咗重7.76磅嘅囡囡，英文名叫Charlotte，中文名暫時未改。

榮升做爺爺嘅黃百鳴接受訪問，佢話Edmond本來入去剪臍帶，點知個醫生好快手，傾咗一陣計就拎咗個BB出嚟，佢仲話：「我今晚都有去睇佢孫女，但係都係隔住玻璃窗睇，因為去遲咗。我覺得佢似Edmond多啲，眼仔碌碌，又唔見佢喊，好精靈喎！」

黃百鳴仲話：「我升咗呢就梗係開心，希望佢哋繼續努力，再生多個，好似我咁，先生個女，之後再生仔，有一個『好』字。」