BMWZ4MCoupe原本嘅Look已經好有硬頂Coupe跑車應有嗰份辛辣味,但Hamann就再幫佢換咗連擾流裝置嘅頭泵把、車身兩側裙腳、車尾定翼等等之外,就連胎軨都換埋做尺寸較大嘅款式,令人一睇就知佢係一部超辣跑車,咪行埋佢身嗰隻。
車廂方面又改咗啲咩呢?哈,巴閉啦!事關你打開車門,就會發覺一雙座椅變咗做RECARO嘅真皮款式,手觸感唔錯之餘,喺高速走彎嗰陣仲可以畀到你有好高嘅承托力;另外,車內不少設備也改用鋁質物料製造,從而達到減輕車重嘅效果。引擎則依舊是那台3.2公升直6引擎,由於佢哋未有公佈有關輸出數據,要稍後時間先可以作實,但相信至少會增至358匹或以上。