堅持唔做生招牌 有種
馮仁昭四圍超：Edison新舖開張Friend冇折
蘋果日報 2004/05/19 00:00
陳冠希（Edison）喺銅鑼灣百德新街開嘅時裝店「Juice」，噚日正式開張，Edison前晚拍電影《A1頭條新聞》到通宵，冇瞓覺就直接去舖頭，間舖晏晝十二點先開，佢就提早半個鐘到，重同記者講開舖之後就可以上去幫襯，但就唔影得相。
Edison只係留咗半個鐘就走人，問佢點解唔留低招呼朋友？Edison話：「十二號已經開張招呼咗朋友，我又唔係sales。」Edison重話所有朋友都唔會有折扣。
無意日日巡舖
雖然間舖開始做生意，不過Edison就唔會日日返舖巡，佢話：「邊有咁多時間，我亦唔想用呢樣嘢做賣點。」講完之後，佢就去咗隔籬街間餐廳食晏，食完就坐車返屋企。
馮仁昭上過間舖睇過，去到門口要㩒鐘先入得去，主要係賣HipHop衫，集中賣日本牌子Revolver同Devilock，最平嗰件Tee都要五百幾，其他風褸同背囊閒閒哋都過二千，消費一啲都唔簡單。 採訪、攝影：馮美茵
容祖兒打觔斗頭暈暈
容祖兒（Joey）日前為卡拉OK通宵拍攝廣告，廣告講述佢俾一班日本武士追捕，Joey個角色要狂打觔斗，佢堅持親身上陣，動作指導羅禮賢重教Joey打側手翻，但要連續拍成十幾次，所以Joey都轉到頭暈暈。
Edison只係留咗半個鐘就走人，問佢點解唔留低招呼朋友？Edison話：「十二號已經開張招呼咗朋友，我又唔係sales。」Edison重話所有朋友都唔會有折扣。
雖然間舖開始做生意，不過Edison就唔會日日返舖巡，佢話：「邊有咁多時間，我亦唔想用呢樣嘢做賣點。」講完之後，佢就去咗隔籬街間餐廳食晏，食完就坐車返屋企。
馮仁昭上過間舖睇過，去到門口要㩒鐘先入得去，主要係賣HipHop衫，集中賣日本牌子Revolver同Devilock，最平嗰件Tee都要五百幾，其他風褸同背囊閒閒哋都過二千，消費一啲都唔簡單。 採訪、攝影：馮美茵
容祖兒（Joey）日前為卡拉OK通宵拍攝廣告，廣告講述佢俾一班日本武士追捕，Joey個角色要狂打觔斗，佢堅持親身上陣，動作指導羅禮賢重教Joey打側手翻，但要連續拍成十幾次，所以Joey都轉到頭暈暈。
謝霆鋒噚日繼續喺台灣宣傳國語碟，佢今次為咗宣傳出盡法寶，早兩日主動去陳小春嘅簽名會度扮老友，但係噚日台灣傳媒一提到佢舊情人，霆鋒就話唔回應。佢又話𠵱家練緊太極拳，以後唔會同人打交。霆鋒對住記者好有禮貌，一改以往火爆性格，大家都覺得好奇怪，霆鋒就話：「笑又不對，不笑又不對，做人真難！」
梁漢文日前出席《公益競步行》滿身酒氣又亂講嘢，事緣佢之前一晚同女友慶祝生日。佢噚日去咗港台做訪問提到呢件事，即刻好尷尬咁講：「我都覺得好瘀，我嗰日堅持去係唔想失場，都同咗無綫講唔好意思，我女友亦有安慰我，佢亦都好內疚，我都要慎重考慮一吓飲酒嘅問題。」
通宵打點
Edison嘅舖頭噚日正式開張，前晚佢（箭嘴示）亦返過去準備。
Edison嘅舖頭噚日正式開張，前晚佢（箭嘴示）亦返過去準備。
開張大吉
Edison嘅舖頭噚日正式開張（圖上），前晚佢亦返過去準備。
Edison嘅舖頭噚日正式開張（圖上），前晚佢亦返過去準備。
容祖兒
容祖兒
謝霆鋒
梁漢文