當年今日
關於我們

【港足新帥】梁芷珊辭任足總董事 擬助運動員第二職規劃

蘋果日報 2018/09/10 14:05

梁芷珊香港足球代表隊香港足總香港U23代表隊加利韋特

即將辭任足總董事的梁芷珊今晨再在社交平台再次撰文,透露完成足總交接工作後便會離任,之後考慮成立公司或私人身份協助運動員退役後的工作。
雖然足總尚未正式公佈前中華台北足球隊教練韋特出任港隊主教練,但梁董事今晨已透露今日加利韋特(足總官方譯名)正式上任,並歡迎這位英籍教練,並期待與他見面,亦希望佢工作順利,帶領港表隊爭取好成績。
她澄清對韋特沒有意見,而是整個招聘程序出錯。她在文中指出:「假設全球招聘應該有十個程序,咁我可以講,今次聘請Head Coach 的程序,由一至十都係錯。我再重申,我並唔係針對韋特,成件事唔係佢錯,應徵做一個職位會有咩錯?我一向好尊重運動員同教練,希望佢唔好誤會。」
她表示,與足總同事處好交接後便會向足總辭職,之後以私人或私人公司身份,籌辦運動員第二職業生涯規劃,她說:「其實呢件事我想咗十年,本來諗住完成董事任期後,即係明年五月底先搞,而家仲好,早咗幾個月搞,太開心。」
她表示,足總市場推廣委員不會因她辭任足總董事而解散,並希望委各委員留低,而自己改變位置度橋搞好香港足球。對於今次辭職,她指出導火線是足熜全球招聘教練及技術總監應同步進行,而知道現行政總裁將於本月離任後便應展開招聘,不應一拖再拖。她說:「今次招聘總教練既整個過程都好錯,如果今次咁隻手遮天既行為都過到關,咁即係請技術總監同行政總裁都可以咁樣行。我已經盡咗力提醒董事局咁樣好有問題,但大部份董事會成員認為無問題,下次舉手投票我又再輸7:1,咁sorry嘞,你哋繼續,我退出。」
--------------------
荷蘭橙衫軍大舉進駐BFB CHAMPIONS 2.0!荷蘭球星機率 7 倍UP!立即下載 http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports
empty
梁芷珊Fb長文截圖上
empty
梁芷珊Fb長文截圖下