當年今日
關於我們

【娛圈喜事多】《東張》主持梁麗翹陀B女:仲有個幾星期就生得

蘋果日報 2018/05/14 12:02

王力宏懷孕李靚蕾梁麗翹

台灣歌手王力宏與細10歲嘅太太李靚蕾婚後,育有兩個囡囡,分別係3歲嘅王嘉莉同1歲半嘅王嘉娜,上月又宣布太太懷有第三胎,而且今次仲係仔,真係好密手!
噚日王力宏喺ig上載一家五口(包括腹中胎兒)嘅合照,王力宏抱住細女,同大女一齊摸住媽媽肚皮,場面好溫馨。王力宏留言﹕「世上只有媽媽好!」而李靜蕾今早亦有上載孕照,留言﹕「第三個樂隊成員已經在肚子裏開始練鼓了!巡演結束前會組團成功嗎?」見佢個肚已經好大,估計係隨時生得。
而《東張》主持梁麗翹仲有個幾星期就生得,佢今日亦喺ig貼咗幾張孕照,留言﹕「Counting down.」佢今日接受傳媒訪問時透露今胎係女,預計會順產,佢話﹕「好期待,要準備嘅嘢都大致準備好晒,老公話我『啲嘢一日攞出你又擺入去,成個老人家咁』,我係擔心有嘢唔記得帶啫。」麗翹話影相係想留個紀念,有咗BB後皮膚好咗,佢話﹕「可能食得清咗,有注意健康多啲,但係估唔到38-39週都仲嘔緊。」
精選娛聞,喺晒《娛果》 http://fb.com/appledailyent