泰片《寄身100天》導演及男女主角上星期到港宣傳，泰國恐怖片王、《鬼影》(Shutter)導演柏德潘王般(Parkpoom Wongpoom) 接受本報專訪時，竟自爆原來十分驚鬼：「之前我都好驚鬼，而家我都好怕黑，尤其是酒店，要自己瞓都會開燈、開廁所門，令環境無咁恐怖。做導演之前真係好驚鬼，聽完個鬼故都會驚，但拍得耐咗就無咁驚，不過到今時今日我都要開燈瞓。」

佢又指自己都有睇香港恐怖片，更十分欣賞彭氏兄弟作品《見鬼》：「呢套戲真係好恐怖，睇完揸車返屋企，入電梯都係好驚好多畫面，當時我都未開始拍鬼片。鬼片有兩種，一種係當場嚇一嚇你，另一種係嚇完觀眾，到返屋企都仲記得，第二種感覺好難做到，我拍鬼片都好想做到呢種效果。」另外導演又大讚男主角James演出落力、肯為電影付出。

精選娛聞，喺晒《娛果》
http://fb.com/appledailyent