【全球疫情】王賢誌抵玻利維亞須探熱：見中國人面孔會問多啲嘢
蘋果日報 2020/03/06 13:54
王賢誌玻利維亞馬丘比丘武漢肺炎
（FB圖片）
武漢肺炎全球擴散，多個國家先後對香港封關，不少到外地旅行團都要取消，幸秘魯和玻利維亞方面暫未受影響，王賢誌家族經營旅行社舉辦的南美天空之鏡旅行團上月底如期出發，團友包括九巴後人雷怡暉（Amanda）。
隨團出發工作的王賢誌，今日終於到達秘魯的馬丘比丘，於facebook上載多張照片，景緻怡人，但看來遊客不多。《蘋果》聯絡王賢誌，問到旅程是否順利時，他表示：「OK呀，一切順利，不過因為行程都幾緊密，又有車程又轉機，所以其實都幾攰㗎！我應該後日到天空之鏡，今次天氣好好，出發前都驚雨季，上馬丘比丘都驚落雨，但唔係雨季又驚睇唔到天空之鏡，所以都幾矛盾，因每年得2、3月可以影到天空之鏡，其他時間嚟個鹽田係乾晒。但去秘魯2、3月唔係最好，係low season。」
武漢肺炎全球擴散，問到南美方面情況怎樣，他說：「一路去到今日都冇乜亞洲人，喺秘魯最尾一、兩日我撞到一團香港人，我今日嚟到玻利維亞行政首都拉巴斯，開始多咗啲中國人面孔，去天空之鏡都係亞洲人先去，但早幾個月玻利維亞都試過有示威政變，所以少咗遊客嚟，加埋而家全世界旅遊業少咗大陸人。今日我住呢間酒店好自動自覺有口罩畀你攞，有酒精洗手液畀你搓手。我哋嗰幾個都識得嘅，離開咗香港都10幾日，嚟嗰時南美洲都冇乜case，但秘魯及玻利維亞都仲未有confirm case，今日我喺秘魯過關嚟玻利維亞時，雖然我揸住加拿大passport，佢哋見我哋中國人面孔，都有問多啲問題，同埋幫我探熱囉，咁一切都還OK嘅。」而王賢誌表示當地地方空曠，他與團友們出入也無須戴上口罩。
隨團出發工作的王賢誌，與Kevin踏上馬丘比丘心情興奮。
Amanda Lui也有在社交網post靚相。（FB圖片）
王賢誌的同性伴侶Kevin也有同行。（FB圖片）