宣萱同呂麗紅校長今日喺理工大學出席「全港兒童故事演講比賽」，提到日前方中信與手錶品牌再續約，方中信直言與宣萱一樣有宗旨。宣萱話：「係呀，佢都好有宗旨同性格，唔係俾錢佢就得，我自己都係，所以我同佢做好多年朋友。」

佢話平日到大陸登台，好少遇到不被尊重情況：「多數都係合約列明嘅嘢，如果有時多少少都會做，但最好事前講聲。有試過突然喺台上宣佈我要做埋評判，我呆一呆，最後都走人，我覺得呢個係尊重。 」

宣萱又謂近日天氣太熱，暫時揀較舒適嘅工作做：「太辛苦就竭一竭先，都有啲工作傾緊。」