原來噚日係章子怡嘅37歲生日，生咗囡囡醒醒嗰幾月嘅佢，繼續喺洛杉磯安胎同享受湊仔樂。老公汪峰當然要做足準備，同老婆好好慶祝啦！章子怡今日就喺佢微博「稀土部隊」上載三張相，當中有三層蛋糕同花，個蛋糕仲畫咗隻豬仔羊仔喺度，仲寫住：「HappyBirthdayZiYiLoveYou,Forever」Sweet到呢...

章子怡產後第一次「亮相」，雖然只得上半身，不過似乎精神好好，係手臂圓潤咗少少，咁...幸福先會肥嘅。

佢就喺微博話：「去年本命年，我收穫了所有的美好。小醒醒的降臨讓我感受到其實我的生命才真正的開始！37歲的生日前所未有的快樂和幸福！謝謝大家的祝福，影迷的留言，醒醒他爹準備的蛋糕和禮物，大女兒精心做的生日卡，還有婆婆送的毛衣，老爸寫的詩，有人惦記真好！！祝福大家新春快樂，闔家歡樂！」除咗「醒醒他爹」嘅禮物，仲有婆婆同爸爸嘅禮物，好幸福呀！

汪峰當然都喺微博轉發老婆章子怡嘅生日po，仲話：「總會在某個時刻收穫曾經深埋在心底的願望之果，只是無人知曉那孕育的艱辛。醒醒媽，生日快樂！一切都是值得的，一切都會那麼美好！」嘩！隔住個mon都差啲有糖尿病。