當年今日
關於我們

【怕搶風頭】唔去Stephy姊妹Miki婚宴 方力申爆友人心急介紹女伴

蘋果日報 2016/04/19 06:00

蘋果婚禮香港stephy楊愛瑾郭永淳Miki方力申永安即時娛樂Edwin餅碎新戀情深水灣鄉村俱樂部

永安太子爺郭永淳(Edwin)上年情人節,喺芬蘭向餅碎女友楊愛瑾(Miki)求婚,今年6月準備喺海外搞婚禮,婚事想低調進行,所以婚禮只邀請雙方親友出席,由於二人一向多朋友,所以佢哋今個月30號將會喺深水灣鄉村俱樂部舉行cocktailparty,廣邀好友。

方力申今日出席活動,問到Stephy好姊妹Miki結婚有冇邀請佢,小方指Miki喺香港搞嘅婚宴有邀請佢,小方話:「Miki有同我講如果我唔去,佢都明白,我就同佢講我唔去啦,唔想去到搶咗人哋風頭,咁會變成第一次(同Stephy)公開見面,我唔去又唔代表唔係朋友,總之人唔到禮都到。」

咁你可以同Stephy喺Miki婚宴前,先一齊出席活動,咪唔怕搶Miki風頭,小方就指唔想俾人覺得借新聞搵錢,再問到同Stephy有冇聯絡,佢就話:「呢排無!」

係唔係準備好心情迎接新戀情?佢稱:「咁都係睇吓,ready就未ready,不過好多人都關心我,經常話介紹人俾我識,咁又快得滯。」對於鄧麗欣將車牌字頭SF換成ST,小方解釋車牌已經換咗兩、三年,只係報道搵番出嚟講。