【逆權運動】王喜嘲克警派棍想「休班持械」:咁熱愛執法咪唔好休班
王喜伸縮警棍
逆權運動抗爭不休,港府依然漠視市民訴求,爆發多次警民衝突,不停有示威者被打到頭破血流或骨折受傷,警方被投訴濫權濫暴。今日有消息稱,警方將會向休班警發放伸縮警棍,供他們隨身執法。
入行前曾任職皇家香港警察的王喜,在FB撰文嘲諷:「阿豬,咪當我哋儍仔啦。你哋係想『休班持械』而唔係『休班執法』!有咁熱愛『執法』咪唔好『休班』囉!無委任證嘅、操普通話嘅、無樣見人嘅都話係香港警察,以後背心短褲拖鞋掹枝伸縮警棍出嚟又係話係香港警察?係嘅話,由下一期開始,你哋着泳褲托枝303操passing out啦,吖笨!」
在連場抗爭運動中,不斷有市民投訴警察及速龍小隊均沒有出示委任證,真假警察難辨;如休班警可隨身㩗伸縮警棍,情況可能更加不堪設想,王喜就提出:「有份通過撥款嘅,就係煽惑他人輕易冒警犯法,破壞法治!危害國家安全!」最後更hashtag「#阻差收工比阻差辦公更大罪」
網民紛紛留言:「講得好,諗通咗啲嘢,藍絲咪可以變休班警囉,返正都唔使show pass」、「一人買定一支旁身好了」、「香港越嚟越唔安全」、「可能政府唔想畀OT錢」、「 如果你仲留嚮警隊,應該會激到爆血管」。
-----------------------------
【撐學生】
召集有心人 撐學生全年睇《蘋果》
立即按此