【李八方online】華懋「日以繼夜」搜購防疫物資 捐20萬個口罩予社聯轉贈基層
蘋果日報 2020/03/23 14:48
武漢華懋口罩李八方ONLINE武漢肺炎
華懋蔡宏興同社聯蔡海偉唔方便握手，就以elbow bump打招呼。華懋提供圖片
雖然各界陸續有口罩廠投產，但坊間尤其基層對口罩嘅需求仍然好大。與其捐錢去中國內地抗疫，真係捐口罩畀香港有需要嘅人仲實際，華懋集團今日都宣佈捐出20萬口罩，透過社會服務聯會轉贈畀社會上有需要嘅人士，同市民同心抗疫。交收當然有儀式，由於疫情下唔方便握手，華懋執董兼行政總裁蔡宏興就同社聯行政總裁蔡海偉以時下熱爆嘅elbow bump方式打招呼。
蔡宏興話呀，華懋札根香港60年，一直心繫社區，香港處於艱難時刻，佢哋亦以行動支持社區抗疫，透露同事過去幾星期同事「日以繼夜」喺唔同途徑搜購口罩，除咗畀集團員工同家屬以及預留部份作營運所需，亦決定捐贈20萬個口罩畀有需要人士。負責接收口罩嘅蔡海偉話，嚴峻疫情下，基層市民首當其衝，感謝華懋適時伸出援手，佢嘅會將珍貴嘅防疫物資捐贈畀長者、殘疾人士、低收入家庭同少數族裔等。
社聯會將20萬個華懋捐贈嘅口罩轉贈有需要嘅基層市民。