吳宇森執導嘅新作《追捕》搵咗韓國女星河智苑、日本型男福山雅治同內地影帝張涵予演出，之前已經登陸意大利威尼斯影展，獲得一致好評。噚日韓國第22屆釜山國際電影節大會宣佈，吳宇森會出席今屆電影節，《追捕》更會在當地作泛太平洋區首映。

其實吳宇森同韓國淵源甚深，75年喺韓國拍攝動作片《女子跆拳群英會》，其後一連串作品包括《英雄本色》、《喋血雙雄》等片，在當地相當受歡迎，成為老一輩影迷嘅集體回憶，風靡南韓一代影迷。《追捕》已定於11月23日喺香港上映。