前副廣播處長吳錫輝幫nowTV做節目《輝哥的饌賞》都做咗一排，唔少老友畀面做嘉賓，資深音樂人羅大佑5月嗰陣錄影咗一集，不過聽聞當日因為輝哥飲咗啲酒，喺訪問嗰陣同羅大佑有啲肢體衝突，搞到羅大佑好嬲，講到明唔准個訪問出街。
噚日輝哥被問到呢個傳聞時一口否認，佢話飲酒唔係問題，佢同羅大佑、李宗盛三個94、95年已經認識，仲做埋好朋友，經常周圍飛嘅大佑專程喺西安嚟同佢錄影，輝哥話節目出唔到街係另有原因。
輝哥話：「係因為技術性出咗問題，嗰日我專程請人寫咗個搖滾版嘅《皇后大道東》畀大佑唱，點知錄好晒之後至知原來錄唔到，成個節目最重要嘅部份冇咗，所以出唔到街。」

結果輝哥搵咗黃耀明做嘉賓嘅一集放埋喺第一輯度播，輝哥事後乘機爆料，話第二輯嘅十三集會搵番大佑補拍，已經落實嘅嘉賓名單包括前財政司司長梁錦松、鄭中基、馮寶寶同陳秋霞等。
now高層金廣誠被問到係咪有輝哥同羅大佑衝突嘅事發生，佢話只係有啲內容要補番，反正唔急於第一輯出，所以到第二輯時至播番。而另一個當事人羅大佑就唔喺香港，電話冇人聽。
版主：陳基征

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！

《蘋果動新聞》新版App已經推出，居家遊行上街上網都咁方便，快啲更新，全民動起來！
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange