青年事務委員會主席劉鳴煒今日喺荃灣出席「熱熾傳城」青年大使計劃畢業嘉許禮，同場仲有民政事務局局長劉江華、SIS樂印姊妹等。活動上，劉江華向十八區青年大使頒發嘉許狀，及後向劉鳴煒送上火炬紀念品，不過劉鳴煒示意唔接受訪問。

SIS樂印姊妹表示入行後，探訪老人家時會唱《萬水千山總是情》，但係老人家最鍾意聽粵曲，佢0地話：「好彩我哋識唱少少《帝女花》，老人家又會教我哋。」做義工時有冇趁機識異性？家姐駱胤樺表示冇，妹妹駱胤鳴就話：「我有拍拖，對方係前DJ。」有冇介紹男仔畀家姐？駱胤鳴話：「佢眼角好高，佢唔鍾意肥同得意，所以佢話坤哥（吳業坤）口甜舌滑，冇安全感。」駱胤鳴仲指家姐成日做電燈膽。