現年38歲的韓國男諧星朴聖光，早於今年初已宣佈會娶年輕7年的圈外女友，但婚禮受武漢肺炎 疫情 影響而兩度延期，最終改到本月15日、在其39歲生日當天舉行。

朴聖光上月起孖住準老婆亮相SBS綜藝節目《同床異夢2-你是我的命運》，並率先透過節目公開樓高3層的獨立住宅，引起網民熱議，昨日播出的節目預告更見朴聖光跟準老婆去試婚紗的內容。朴聖光穿着粉紅色西裝等待準老婆現身，身穿白色婚紗的準老婆登場後，朴聖光望到眼都唔眨，又讚準老婆似公主。準老婆之後換上另一套低胸婚紗晒事業線，十分性感，朴聖光就不滿地表示：「會唔會太色情？冇其他遮得多啲嘅款？」對於未來老公的反應，準老婆亦不太開心，未知兩人會否因而吵大鑊？

朴聖光於2007年出道，曾演出《青春不敗》、《全知干預視角》、《傻瓜的戀愛》等人氣節目，亦曾客串演出韓劇《浪漫醫生金師傅》。