現年32歲嘅周嘉儀，上周三正式告別《香港早晨》節目，節目尾聲嗰陣，周嘉儀更主動向觀眾道別，之後與拍擋陳聞賢喺鏡頭前握手。(新聞連結： http://bit.ly/1EnUD3Z )

周嘉儀離開TVB新聞部當日，無綫新聞財經組高級記者兼主播林小珍，即在facebook留言：「今日，四方八面的朋友、家人、同事都前來恭喜我。我，都要恭喜大家。」未知係唔係本來林小珍同周嘉儀有牙齒印，先有咁多朋友恭喜佢呢，定係周嘉儀係犯眾憎，先搞到現任無綫小花慶祝周嘉儀離開?

據今日有讀者報料，林小珍噚日忽然喺facebook留言：「看完吳若希這段新聞，令我回想起年初時老爺離世，在他彌留時，我經常要進出醫院，有時候更要臨時請假探病。」更忽然大爆近日喺大台有一位剛離職嘅周姓女同事，好關心佢，成日四圍到處打探小珍嘅行蹤。問小珍去咗邊?

林小珍更續道：「得知我家中有事，猜測『我丈夫出去偷食』，後來得悉我老爺身體問題，就說成是『我一入門，就剋死老爺』，咒老人家『死快點』，最後，我老爺辭世了⋯⋯搞白事期間，我忍下這口氣，不想添煩添亂。沒有找她晦氣，亦沒有要她道歉。」

林小珍又指，係因為看完吳若希嘅言論，佩服佢真係好勇敢，而佢真係有啲嬲自己，點解當初冇開聲，好好保護佢嘅家人。