G.E.M.有個杜麗莎夫人蠟像館，幾好笑。

大陸嗰啲山寨蠟像館，仲好笑。真係，如果唔寫埋名，你根本唔知眼前呢個蠟像就係佢。

奇又奇在，山寨蠟像館處處，又處處都有人買飛入場。乜嘢心態？自虐？睇明星定唔開心想搵嘢笑下？

好多被山寨的明星藝人都唔出聲唔告，不過面膜奇人范冰冰終於忍唔住。網上有條好似係17 Live嘅live chat片，主角係范冰冰，佢好慘豬咁話，一見到呢啲山寨蠟像：「都要崩潰了，想死的心都有！」

其實當時係有人問佢，「是不是全中國的蠟像館對她都有深深的傷害」，范冰冰就咁答，仲話：「我真正受到了傷害！」又話自己真正有授權嘅蠟像，係放喺上海杜莎夫人蠟像館，其他通通都係山寨，呼籲大家唔好再受騙買飛。

冰冰自己都唔明。點解大家明知係老翻都要俾錢入場睇，有冇人可以解釋下。