【動漫節】女神愛打機 李佳芯麥美恩玩到走光

蘋果日報 2017/07/28 15:18

李佳芯麥美恩

麥美恩同李佳芯今日亦有去動漫展,喺活動度佢哋兩個一齊打機,不過佢哋打機嗰陣好鬼嘈,咿嘩鬼叫,跟住佢哋攬埋一齊影相嗰陣,麥美恩仲唔唔小心走光,露出打底褲!
麥美恩話:「其實我已經比平時收歛咗好多,大約收咗3成功力,打機要投入啲先開心,個個都係咁嘅樣!」李佳芯仲話:「最初諗住叫大會唔使俾咪我哋,比平時打機係溫柔咗,就算我一個人打機,我自己會嗌!」咁你又有冇同男友一齊打機?李佳芯話冇,平時好少一齊打機。
跟住李佳芯仲讚麥美恩溫柔,於是問佢係咪諗住台妹?點知麥美恩話:「唔敢當,我係撒唔到嬌,只不過係好耐冇見到李佳芯,所以咪向佢撒嬌,表示我嘅愛慕!」