【阿檸未解封?】商台奧仕卡接替離職鍾雪開咪 受罰5個月終獲放生
開咪商台阿檸奧仕卡無薪假期
商台DJ阿檸(薛晉寧)及奧仕卡(Oscar),去年10月因為在未經商台許可下,齊齊請假到英國出席好友婚禮,並私下將節目錄音「扮直播」出街,事後因為社交網流出兩人在英國出席婚禮的照片,被商台下令即時「封咪」,只能涉足幕後工作,兩人主持的節目《毒檸王國》亦無限期停播,節目時段由新晉DJ鍾雪(鍾雪瑩),以及少爺占與當奴的節目分擔,惟鍾雪日前正式告別商台,同時間Oscar亦宣佈再開咪。
Oscar日前在IG上宣佈,新節目《失眠藥》正式開播,不少聽眾都為Oscar感開心,包括梁釗峰等都紛紛留言表示︰「等咗好耐終於返嚟 好掛住你」、「支持恭喜回歸啦」。Oscar接受《蘋果》電話訪問,對於再次開咪表示︰「梗係開心嘅,講真呢幾個月吸收咗好多嘢,新聞又好、同朋友傾計又好、自己睇劇又好,都多咗好多角度,有返個渠道抒發返出嚟係好開心嘅!」至於,跟Oscar同時受罰、早前因前女友兼好友車禍離世極為難過的阿檸,至今未有開咪「聲氣」,《蘋果》聯絡他亦未有回覆,但據知他暫未有新動向,何時開咪要等待商台安排。
不過,近日武漢肺炎疫情影響各行各業,在廣告收入大跌下,商台亦要開源節流,當中包括安排所有員工放無薪假期,前線DJ亦不能倖免,故在人手緊張的情況下,放生受罰兩位DJ,相信亦是最好安排。
-----------------------------
第三屆最港電影大獎
按此立即投票 -----------------------------
商台DJ奧仕卡(Oscar)事隔5個月後再度開咪。(資料圖片)
鍾雪(鍾雪瑩)日前離開商台,她於IG上發文向聽眾道別。(IG圖片)
Oscar亦有在個人IG上跟鍾雪合照留念。(IG圖片)
Oscar在留言中表示鍾雪並非被解僱,亦不是被勸退。(IG圖片)
同時在數日前IG出POST預告新節目。(IG圖片)
不少聽眾都為Oscar感開心,包括梁釗峰等都紛紛送上打氣留言。(IG圖片)
鍾雪去年和同事急急子、方皓玫及吳業坤一同去約旦探訪。