57歲嘅吳岱融因為《巨輪II》一劇帶挈，工作量增加咗好多，連帶老婆鍾淑慧人氣反彈，今日有周刊報道，鍾淑慧對老公吳岱融一直百分百信任，一啲都唔擔心佢多桃花，主要係因為佢掌握晒屋企嘅財政，所有物業都寫咗鍾淑慧個名，兼且0依家佢又係吳岱融經理人，連本身嘅財政都由老婆負責。

鍾淑慧話以前佢喺大陸登台，全部係收現金，不過始終唔方便拎返香港，所以咪喺大陸買樓當投資，最高峰嗰陣有4層，試過30幾萬買番嚟，賣出去賺咗差唔多5倍，本來佢諗住喺香港買樓，但係0依家樓市唔係好穩定，所以暫時要押後。

前排《蘋果》報道佢哋兩個去咗大馬睇豪宅，鍾淑慧話嗰次係陪朋友去睇，發展商見到吳岱融之後，即刻話要搵佢做化言人，又話俾優惠價賣俾佢哋，所以0依家喺度考慮，因為將來退休，佢哋會返新加坡陪仔。(新聞連結： http://bit.ly/2g4qiOd )

講到仔仔Justin，鍾淑慧話今年阿仔已經19歲，今年4月入營服兵役，佢話自從收到服役通知信到0依家，每次講起阿仔都會喊，覺得好心痛，所以每次阿仔出營，佢都一定會返新加坡見面。