隔牆有耳：
林鄭黑絲紅喱士裙撐《建軍大業》 - 李八方
蘋果日報 2017/07/31 00:00
由寰亞電影拍嘅《建軍大業》噚晚舉行首映禮，套戲講建軍，咁政治正確，當然獲建制重量級人馬撐場，除咗兩個全國政協副主席董建華、梁振英，以及中聯辦主任張曉明外，特首林鄭月娥、三司同多名局長都有出席。
平時愛穿旗袍嘅林鄭月娥噚日大變身，無懼36℃高溫，穿上大紅喱士及膝裙配黑絲，再加對黑色高跟鞋，同時加個小手袋，仲要似足時下少女打斜揹，罕見硬朗形象以外嘅少女風，唔少賓客都眼前一亮。
平時愛穿旗袍嘅林鄭月娥噚日大變身，無懼36℃高溫，穿上大紅喱士及膝裙配黑絲，再加對黑色高跟鞋，同時加個小手袋，仲要似足時下少女打斜揹，罕見硬朗形象以外嘅少女風，唔少賓客都眼前一亮。
原來林鄭個手袋同高跟鞋都係意大利品牌Salvatore Ferragamo，經典款迷你Miss Vara Bow手袋約值5,800元，對鞋則約4,600元。其實林鄭一向鍾情飛甩雞毛，之前國家主席習近平訪港以及宣誓時，佢都着咗呢個牌子嘅鞋登場。
而689進場時一度問狂影相嘅攝記，「啲菲林用完未？」咦，菲林？唔通689唔知𠵱家相機已經數碼化？
而689進場時一度問狂影相嘅攝記，「啲菲林用完未？」咦，菲林？唔通689唔知𠵱家相機已經數碼化？
梁振英同太太梁唐青儀就藍白配賀首映。