日本天王木村拓哉已經結咗婚好多年，但係佢嘅私生活一向好低調，早排先至罕有咁被拍到帶歌手老婆工藤靜香，相約中田英壽同柴崎幸飯局。

而木村嫂工藤靜香噚晚就喺日本NTV電視台嘅節目《LIVEMONSTER》做嘉賓，仲好難得咁公開咗少少同木村嘅愛巢。

木村嫂仲公開咗佢嘅私生活，原來佢經常去東京代官山，仲帶埋拍攝組去佢最愛嘅時裝店同食店，好似拍旅行特輯咁。

靜香仲難得公開咗家中拍攝嘅影像，包括佢同木村所養嘅兩隻愛犬，家中牆上亦掛滿咗佢所畫嘅大作，靜香又一邊下廚一邊拍攝，炮製愛心番茄肉醬畀木村食㖭。