是咁的，最鍾意玩自己嘅黎生4月將會喺中環海濱用自己方法搭台開首個4D演唱會。4D？咩嚟㗎？食得㗎？即係典呀？

今次新場全場分為“L” “E” “O” “N” 四個區，聽聞仲要無山頂位，可以近距離索下天王嘅仙氣。唔只咁，當日早兩個鐘就可以入場，六時恭候各位嚟玩，簡直就係「尋一點開心，讓甚麼都發生，」有得食有嘢飲，保證大家唔會空肚睇show。

話明係最有睇頭嘅演唱會，驚喜就當然唔少得啦，每位入場觀眾都會得到一份Tiffany禮物（好似係，除非唔係）。至於點去會場，唔是講笑，離地觀眾可以在附近碼頭坐艇著陸。冇艇嘅，咪搭返車囉。

今次三十年一潤嘅演唱會機會難得，蘇舟過後無艇搭，記得珍惜機會，用自己方法買飛入場喇。售票詳情請留意 http://www.amusic.hk 不日公佈。

（特約報道）