窪塚洋介育有一子一女，第二任太太PINKY上月為佢誕下首個囡囡，窪塚接受《蘋果》專訪專訪時提到女兒都不禁甜笑，形容B女好似Monchhichi及非常可愛。

窪塚演而優則唱，佢都希望日後可以歌手姿態在香港開騷，又想跟其他音樂單位合作。窪塚除進軍荷李活之外，佢亦想今後打開中國市場，窪塚話：「我都好想到中國工作，當然香港也是，好想在亞洲各地發展，在我出生的日本距離不遠的都市，同時可以在荷李活發展，說不定演出印度的寶萊嵨電影，不排除每個可能性。」

談到前妻Non所生嘅囝囝愛流已經13歲，窪塚亦十分支持兒子追尋夢想，佢更自爆將做星爸：「之前（兒子）講過話好想入行，其實他將會出道拍攝電影。」據知愛流嘅處男作安排夏天開拍，暫定明年上映，係窪塚一位導演朋友嘅電影作品。