特區政府仲未正式刊憲話3.11補選新界東同九龍西兩個立法會議席,各方勢力已經贒實呢兩個位。連之前立會選舉輸咗,大鬧市民冇投票畀佢嘅陳雲,都不斷明示暗示自己會參加補選,一陣話未補選先興奮,又話一區只有一席,係自殺式參選,仲話城邦本土積極考慮全數參選。
國師呢排又係咁追擊奇華個彼岸花月餅廣告,有網民話國師係為參選係網上造勢,國師噚日仲係fb上載一張仿奇華廣告,用佢做主角嘅相,話未報名補選,已經有宣傳照。不過佢自從敗選之後,一時話要皇天擊殺香港人,又同教主黃毓民反面,有網民揶揄國師真係參加補選,隨時少票過上次。