劉舜文是忠實的德國球迷，昨日也不得不承認愛隊技不如人，終致出局收場，他說︰「德國今仗嘅防守工作不濟，八強戰對手阿根廷嘅美斯或泰維斯都鍾意自己上腳，德國兩至三名防守球員較易箝制他們；但西班牙全隊球員嘅個人技術相當不俗，加上佢哋有耐性搓波推進，令德國唔係咁靈活嘅中堅梅迪薩卡同費特列治，防守起上嚟相當吃力。當然，德國失球都只能怪自己大意，睇漏咗後上入球的嘅佩奧爾。」
除了防守不穩，德國今仗的攻力也大打折扣。劉舜文坦言德國中場奧斯爾未能發揮應有水準；擅於後上走位入楔的湯馬士梅拿停賽，也令德國的進攻瓣數減少。
相反，西班牙的進攻模式則變化多端，令對手難以預計，丘建威說︰「西班牙教練迪保斯基今仗賽前已經講明會變陣，收起之前幾仗欠表現嘅前鋒費蘭度托利斯，但狂牛勝在有四至五個進攻模式可以選擇，三箭頭、雙箭頭，甚至以洛蘭迪打單箭頭、高空波都得。」
不過，德國陣中球員平均年齡只二十出頭，劉、丘二人皆認同未來數年才是他們的收成期，有望帶領球隊衝擊下屆歐國盃及世盃冠軍；周六季軍戰他們以正選惡鬥烏拉圭，仍值得看高一線。