今日陸詩韻同李霖恩喺新城接受訪問，佢哋會喺11月一齊參演舞台劇，喺劇佢哋兩個會親熱同跳辣身舞，陸詩韻就話因為兩個都好熟，所以採排嘅時候就唔尷尬。

而啱啱同無綫續約嘅李霖恩，對於羅天池喺無綫做咗15年決定離巢，李霖恩話：「我同佢係同期訓練班，亦係好朋友，知道佢去內地，11月會返香港結婚，轉個頭返嚟可能變咗另一個人。」佢都有諗過去內地發展，覺得喺唔同環境工作可以學到更多嘢。

十年前喺無綫港姐出身嘅陸詩韻，已經冇合約，但早前喺舊公司接受訪問，佢就話：「再返去以前做嘢嘅錄影廠感受好深，見到好多舊同事，同事仲笑話我簽番無綫。」佢又話如果有好工作的話，都唔抗拒再合作。