【本報訊】除了佔領中環外，中梵關係和多元成家也成為記者會焦點，三名候任輔理主教中相對較低調的李斌生，在大學時期正是研究中梵關係，過去數年也與教廷有緊密工作關係，他對中梵關係發展感樂觀，形容雙方正積極交談。楊鳴章在回應同志議題時，則表示對同性伴侶寄予「無限同情」，又指對「為結婚而變性」的同性戀者有愛憐之心。
李斌生1990年獲西班牙納瓦拉大學頒發教會法博士學位，論文題目是《中華人民共和國的政教關係》，被問到如何在協助兩國建立外交，李指此範圍超出其職權，但他表示對發展感樂觀，「兩方面係好積極去交談，𠵱家我哋喺香港祈禱緊，雙方能夠真誠坦白，互相信任去交談，去搵個共通點」。

與同志組織非「冇得傾」

楊鳴章回應同志平權議題時表示，對於同性伴侶寄予無限同情，「但兩個人要成家，並唔係淨係兩個人嘅事，會衍生領養問題，青少年喺同性父母家庭中成長，亦都唔知會唔會有影響」。
楊又一度把性傾向及性別認同混為一談，「一個人如果將佢嘅身體都割咗落嚟，只為想同同性朋友生活，唔係剪指甲或者甩皮咁簡單，佢經歷過一個咁辛苦嘅情形，我點能夠話我係毫無愛憐之心呢？」他表示不同意同性戀，但和同志組織的分歧不至於「冇得傾」。