男星金秀賢自從拍完神劇《來自星星的你》之後，就紅遍韓國同內地，雖然套劇已經播成差唔多成年，但金秀賢喺兩地嘅人氣仍然冇減腿，仲橫掃咗兩地唔少明星排行榜嘅冠軍。

而喺最近由內地人民網舉行嘅「二O一四年韓國明星在中國的影響力」調查入面，金秀賢就再以超過八萬幾票嘅投票率成為冠軍，威到盡。

而因為熱播綜藝節目《RunningMan》而人氣急升嘅金鐘國就以近四萬票排行第二。至於排第三就係剛剛拍畢劇集《Pinocchio》嘅李鍾李，得到五千三百多票。

據知，金秀賢亦喺「春晚中最想見到的韓流明星」投票中排一位。