停課停足個多星期,小朋友在家自修,但開工電腦給他們長期佔領不是辦法,家長們開始發現家用電腦的重要性。今個星期新到一部$999的Win8PiPoW4,學生買更減$100。攞正license,包Office365和連皮套keyboard,光是這些軟硬件都值約$1,600,國產電腦真的平得有點恐怖。
這陣子很多人都指摘「佔中」連累生意,與高登和黃金sales打牙骹,他們表示不認同,「睇你點睇啦!內地客係嚟少咗,但完全偏重內地客嘅生意根本唔健康。其實本地消費一直冇停過,好似佔中期間,就有大量本地客批次性買咗成50至100隻外置叉電,送畀佔中學生,唔識做生意就唔好賴落人哋度!」
據知腦場不少商店都很有骨氣地力撐學生,更把外置叉電器的$160街價,壓落至$120的來貨價。今次新出的PiPoW4一樣力撐學生,憑學生證到指定商戶購買,機價即減$100。這次學生運動,真的看到香港商人溫情一面。
連Office365總值$1,600
第一眼看PiPoW4機身規格,的確有點相當入門感覺,1.33GHz四核心處理器,配上1GBRAM和16GBROM。正都電腦sales吳百利指現時市面開價$999的Win8tablet不多,W4是腦場的第三部,早前兩部亦是國產貨,但只是齋版8吋Win8tablet。「今次W4最大亮點,係跟機送原廠白色機套連microUSB鍵盤,仲有一個Office365嘅兩用戶口,只要開機陣激活,除咗W4用到,喺你同名嘅microsoft戶口嘅另一部電腦一樣用到。齋計軟硬件贈品同Win8價值,就咁係腦場散買都要$1,500至$1,600。呢啲着數完全得益自Win8系統喺8吋以下平板免系統費。」