事業順利，愛情同樣得意，與港姐女友張寶兒正打得火熱，透過報道才知道女友來自大富之家的袁偉豪，對於被指兩人身份背景有差，他笑言：「我冇壓力喎，我反而覺得要更加畀心機去做嘢，佢屋企背景點係佢嘅事，調番轉睇我呢個時候應該要做啲乜？就係要去做番好自己。」

問到張寶兒最吸引他的地方，一抹甜笑馬上掛在袁偉豪臉上，「一個心地好嘅人自然吸引到多啲人鍾意。」兩人年紀相距十年，但袁偉豪指並無代溝，「我哋其實好夾，思想上亦好夾，所以令到我好surprise，兩個人可以咁夾，有好多共通點嘅，不過呢啲就係我哋之間嘅秘密。」