任職貨車司機的劉先生表示，可能陪審團考慮到被告年幼，給他們一個重生的機會，「但我妹妹嘅冤魂不息，會晚晚搞佢哋（被告），佢哋可以逃過法律制裁，但一世都逃不過良心嘅責備。」
昨日因搬重物導致腰傷的劉母俯卧在長櫈上哭說：「呢兩年幾我無一日開心過，每次行過村口見到美英啲朋友，我都會好傷心。」案件開審後，劉母兩次出庭作證，之後一直再沒到法庭，因為一想起女兒的慘死就痛不欲生。「好似俾刀一下一下拮入去咁痛，𠵱家要日日食頭痛藥，唔食會痛到好似要炸開咁。」為了盡早搬離傷心地，她已獲房署分配油塘一間公屋，目前新居正在裝修，最快可在9月搬離茶果嶺。
劉母強調，美英對父母十分孝順。「佢做導遊時出糧4、5,000蚊，畀我2,000蚊，畀500蚊老竇飲茶。」女兒做義工期間，曾參觀女子監獄，回來後告訴劉母：「阿媽你放心啦，我見過啲女仔坐監，好慘㗎，我唔做壞事㗎。」由於劉美英身形大隻，她常告誡女兒不要欺負他人，怎料到女兒最後竟被朋友虐打致死。
本報記者