有前eBay用戶不滿突接該公司的欠款通知，向她追收逾2,600元，卻未說明因由，而她多次聯絡eBay仍未獲解釋，令她甚感困擾。
讀者李小姐去年使用eBay的免費網上交易服務，將未使用的化妝禮品放在網上拍賣，後見效果未如理想，半年前停用，「間中收到eBay電郵，但無論去邊部電腦開，都係亂碼，唔知內容講乜，因擔心有電腦病毒，之後都唔敢再開，直接刪除！」
去年11月底，李小姐突收到自稱代表eBay的律師來電，指她欠下2,600多元費用，令她摸不着頭腦，「冇用咁耐，點會欠咁多錢，但問對方關於乜嘢服務，就答唔知！」李小姐於是多次發電郵聯絡eBay欲了解實情，卻一直未獲正視，只獲發回電郵告知其欠款數額。
她說：「畀埋手機號碼，想大家傾清楚因乜事欠款，但eBay始終冇人搵我！」

eBay函覆，李小姐之欠款為其去年登記使用商店服務之費用，因涉及客戶私隱，故未能透露其他資料，但會派員與李小姐聯絡。
李小姐事後指，她向本報投訴後，終獲eBay職員直接聯繫，並達成和解協議，「隔咗咁耐，都冇辦法記得有冇登記過呢啲服務，不過eBay肯將欠款減到300幾蚊，就決定畀錢！」
檔案編號：1211028