當年今日
關於我們

【娛圈黑幕】前港姐楊斯雅爆「視后」澳門送外賣 包養價100萬7日遊

蘋果日報 2019/09/26 15:55

視后楊斯雅

2012年落選港姐楊斯雅 (Cindy) 離開無綫後,開設性商店,又做Youtuber。為求高點擊,Cindy經常拍片談性論愛,爆娛樂圈中秘聞,早前便試過爆男星「呃蝦條」的手法,指對方專食兄弟女友、老婆。最近她又以「雞,女星全部都是雞?」為題,驚爆在電視圈疑有女星賣淫,更聲稱有視后級女藝人被富豪包養,直飛去澳門「送外賣」。
Cindy聲稱據她所知,真是有女星「拋個身出嚟做」,她說:「明做嘅呢,係有一個,佢唔算好出名,但係做咗好多年㗎喇,佢有模特兒咁嘅魔鬼身形,同埋好姣好誘人嘅面孔。據講收10萬蚊一晚,至於其他暗地裏喺度做嗰啲咁就唔清楚喇。我相信有嘅,但係咪好多呢,但就唔覺。」
Cindy覺得女藝人做妓女不多,但會求包養,希望找一個好歸宿,如富豪小三或金融才俊。她說:「好多金融才俊都鍾意包明星,佢哋好有錢唔係,可能係10萬8萬一個月,我曾經聽過一個金融才俊嘅friend講呢,佢係有一個小花,二線啦,但做咗好多年,都中年35、6歲,對方開價4萬幾蚊一個月,我個friend又覺得幾抵喎,但唔包括住、行同包包,剩零用錢4萬幾蚊。咁求包養就唔同做雞,因為係男女朋友,唔代表有性關係,咁就可以生活無憂咁,繼續追求個一線夢。」
到戲肉,Cindy最後大爆視后級女藝人亦被人包養,她說:「呢位係一線中嘅一線女藝人,貼士係佢好多年冇公開戀情,但暗地裏佢係被包。點解大家發現唔到呢?原因係佢被包養嘅金主唔喺香港,而係喺澳門,佢每次去澳門送外賣,佢都會簽富豪嘅單。而佢每次坐直升機過去,咁啱我又識得直升機個空服,所以知佢被包就爆畀我知。跟住有個女藝人曾經同我講過,曾經收過一啲報價,100萬元去7日,其實我都收過一啲報價,inbox,咩50萬一晚,但你唔係做嗰啲嘢啲人,就算1,000萬,你都唔會想做。」不過,她一早已關閉留言功能,是真是假大家只能自己估。

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港
empty
楊斯雅大膽談「雞,女星全部都是雞?」。(YouTube截圖)
empty
Cindy爆有視后被包養,經常過澳門。 (YouTube截圖)
empty
Cindy開設性商店,言論大膽。(IG圖片)
empty
不時在社交網騷誘人身材。 (IG圖片)
empty
Cindy是2012年的落選港姐。(資料圖片)
empty
同屆三甲,(左起)亞軍黃心穎、冠軍張名雅及季軍朱千雪。(資料圖片)